गोरुले दूध दिन थालेपछि दर्शनार्थीहरुको भीड, शिवजीको ‘नन्दी’ भनेर पूजा गर्न थाले (भिडियोसहित)

सिन्धुपाल्चोक । पछिल्लो समय सामाजिक सञ्जालमा दुधालु गोरुको भिडियो भाइरल बन्दै गएको छ । गोरुले दूध दिन्छ भन्ने सुन्दा पनि जोकसैलाई झुटो लाग्न सक्छ । तर सामाजिक सञ्जालमा  भाइरल भएको भिडियो र गोरुले दूध दिने सत्य रहेको यसका किसनले नै बताएका छन्  ।

सिन्धुपाल्चोक, हेलम्बु गाउँपालिकाको इचोक, पुरानागाउँका सोनाम तामाङले पालेको गोरुले दूध दिन थालेको हो । यसको  भाइरल बन्दै गएको भिडियो पनि तामाङले पालेको गोरुको रहेको बताइएको छ ।

तामाङ दिनहुँ गोरु दुहुन्छन्, त्यसको दूध गाउँलेलाई प्रसाद बाँड्छन् । बिहान बेलुकी गरेर एक माना जति दिन्छ । पहिले कहीकतै नदेखेको नसुनेको यो घटनाले स्थानीय छक्क परेका छन्, अनि तामाङचाहिँ दङ्ग ।

गोरुले दूध दिन्छ भन्ने सुनेपछि तामाङको घरमा गोरु हेर्न आउनेको भिड लाग्न थालेको छ । सुरुमा तामाङ आफै पनि निकै चकित परेका थिए । उनका अनुसार गत जेठदेखि गोरुको अण्डकोषछेउको थुनबाट दूधको थोपा खस्न थाल्यो ।

उनले बिहान बेलुकै दुहुने गरेको बताए उनले भने, ‘गोरुको तन्तुबाट सेतो पदार्थ झर्न थालेपछि दूध हो कि भनेर दुहेको त हो रहेछ । तर  थुनमध्ये दुईवटा बिहान बेलुकै दुहुने गरेको छु । सबैले भगवान् शिवजीको साढे नन्दी भनेर पूजा गर्न थालेका छन् ।’

यद्यपि गोरुले दुध दिनुको बैज्ञानिक कारण भने थाहा हुन सकेको छैन । यो अध्ययनको विषय हुन सक्छ ।

भिडियो सामाजिक सञ्जालबाट

https://www.facebook.com/nabinkulung123/videos/325690974851151/For Video Click This Link

__________________________________
Stay Connected With Us!! ©® Tharu Of Nepal, Naseeb Mahato & Mahato Group ©®
For Video Click This Link

यसवर्ष ‘खिचरा महोत्सव’ पुस २८ देखि माघ ७ सम्म हुने

चितवन, भदौं ९–

थारु समुदायको महान् चाड खिचरा पर्वको अवसरमा थारु कल्याणकारिणी सभा (थाकस) चितवन क्षेत्र नं.७ ले आयोजना गर्दै आईरहेको ‘खिचरा महोत्सव’ यसवर्ष पनि दश दिन आयोजना हुने भएको छ ।

थाकस क्षेत्र नं.७ को आज (शनिबार) बसेको बैठकले आउँदो पुस २८ देखि माघ ८ गतेसम्म ‘खिचरा महोत्सव–२०७५’ आयोजना गर्ने निर्णय गरेको थाकस क्षेत्र नं.७ का अध्यक्ष चुडामणी चौधरीले जानकारी दिए ।

महोत्सवलाई भव्य र सभ्य रुपमा सफल बनाउन अध्यक्ष चौधरीको संयोजकत्वमा १५१ सदस्यीय मुल आयोजक समिति गठन गर्ने निर्णय समेत गरेको छ ।

‘खिचरा महोत्सव’ पाँचौं संस्करणसम्म आईपुग्दा थारु समुदायको पहिचान बनेको छ । पूर्वी चितवनको खैरहनीमा आयोजना हुने यस महोत्सवले थारु समुदायको कला सँस्कृतिका साथै स्थानीय जातजातिको कला संस्कृतिक संरक्षणमा समेत टेवा पुग्दै आएको छ ।

यस्तै थाकस क्षेत्र नं.७ यस वर्ष थारु महिलाहरुको महान् चाड जितिया पर्वको अवसरमा समेत विशेष कार्यक्रम गर्ने भएको छ । शनिबार बसेको बैठकले असोज १३ गते खैरहनी–८ मगनी चोकमा जितिया विशेष कार्यक्रम गर्ने निर्णय गरेको अध्यक्ष चुडामणी चौधरीले जानकारी दिए ।

__________________________________
 Stay Connected With Us!!
 ©® Tharu Of Nepal, Naseeb Mahato & Mahato Group ©®